Eigum við þetta skilið?

Það ganga margar sálir daprar til rekkju í kvöld.

Þeir voru allnokkrir þingmennirnir, sem glottu við tönn þegar þeir greiddu atkvæði með þeim óskapnaði, sem Icesave-frumvarpið (nú Icesave-lög) var. Einn þeirra, sem hvað stærsta glottinu flaggaði var utanríkisráðherrann, Össur Skarphéðinsson.

Sumir aðrir samfylkingarmenn voru hófstilltari í afgreiðslu sinni og báru þess merki að þeir gengu gegn samvizku sinni með því að ljá frumvarpinu atkvæði sitt. Þar fór ekki á milli mála að ofbeldi flokksforyztu samfylkingarinnar hafði haft betur en samvizkan.

Enn aðrir stjórnarþingmenn höfðu í sér þá döngun að greiða atkvæði gegn frumvarpinu.

Sjálfstæðismenn og Framsóknarmenn stóðu gegn þessu þinglega afstyrmi, allir sem einn. Þeirra hróður mun lengi lifa. 

 

 

 

Alþingi samþykkti Icesave

Athugasemdir

[Þórir Gíslason, 31.12.2009 kl. 01:29]

Við skulum ekki gleyma lylju mósesd og Ögmundi sem stóðu við sýna sannfæringu og létu ekki eb línuna ráða

[Gunnar Gunnarsson, 31.12.2009 kl. 02:46]

Það eru nú einmitt þau Lilja og Ögmundur, sem ég vísa til í næst síðustu setningunni.