Bretar að gagnrýna aðra túrista!!! - Kemur vel á vondan

Það að bjóða Bretum að setja fram gagnrýni á ferðafólk á erlendri grund er á við að bjóða fyllibyttum að leggja mat á aðrar fyllibyttur.

Ég hef komið víða við á sumarferðum og skiptir ekki máli hvert var farið til að öðlast frið og ró ef brezkir ferðamenn voru nærri. Skipti ekki máli hvort um var að ræða dvalarstaði, veitingastaði eða svæði, sem ætluð voru til almennrar notkunar.

Undantekningalítið voru þeir homo sapiens til háborinnar skammar með tillitsleysi, frekju, dónaskap, hávaða og ruddaskap.

Séu nú til komnir einhverjir, sem gera Bretum lífið leitt á ferðum þeirra, eiga þeir brezku það skilið, þó ekki væri nema til að verða fyrir óþægindum og leiðindum, sem þeira sjálfir hafa valdið öðrum.

Rússar eru verstu ferðamennirnir

Athugasemdir

[Eðvarð Hlynur Sveinbjörnsson, 31.8.2009 kl. 08:14]

Ég hef komið að ferða og leiðsögumennsku í ein 14 ár núna og rætt þetta við fólk af öllum þjóðernum og miðað við það sem ég hef heyrt þá er ég sannfærður um að rússar hefðu vinningin. T.d. þá sagði spænskur ferðamálafulltrúi mér að mörg hótel á spáni væru búin að loka dyrum sínum fyrir rússum. Bretar eru engir englar en ekki vanmeta rússana í þessu efni :)

[Gunnar Gunnarsson, 1.9.2009 kl. 17:54]

Takk fyrir innlitið.

Ég ætla ekki að draga í efa það, sem þú segir, Eðvarð Hlynur, en því hverf ég ekki frá að nábýli við brezka sumarferðamenn er eitthvað það hvimleiðasta, sem fyrir getur komið. (Verð nú að játa að Þjóðverjar koma þar fast á eftir í almennum leiðindum þó Bretar haldi fyrsta sæti í bulluhegðun. - Nú, svo getur vel verið að Rússarnir séu komnir á par við Breta. Megi þeir þá skemmta sér vel saman). Beztu grannar erlendis hafa svo reynzt Íslendingar. Þar á eftir koma aðrir Norðurlandabúar að frátöldum Finnum. Þeir geta verið anzi fyrirferðarmiklir.