Greitt fyrir aðgang að Evrópusambandinu

Með samþykkt á frumvarpi ríkisstjórnarinnar um ríkisábyrgð vegna Icesave-klúðursins hefur einum steini verið velt úr vegi aðgangs að ESB.

Samhliða því hefur Alþingi lotið í duftið gagnvart vinaþjóðunum, sem harðneituðu að veita okkur lánafyrirgreiðslu nema fyrst hefði verið gengið að ofurkostum Breta og Hollendinga.

Nú ætla Bretar, náðarsamlegast, að skoða fyrirvara þá, sem Alþingi telur sig hafa gert á klúðri þeirra félaga Svavars Festssonar og Indriða H. Þorlákssonar. Klúðri, sem ríkisstjórnin ætlaði sér í upphafi að koma óbreyttu í gegnum þingið. 

Það verður erfitt að vera Íslendingur á komandi árum. Það hefði verið útilokað, hefði upphaflega áætlunin gengið eftir, en það er til mikils að vinna við að komast á mála hjá Brussel-veldinu.

 

Bretar skoða fyrirvarana

Athugasemdir

[Leifur Þorleifsson (IP-tala skráð) 28.8.2009 kl. 14:14]

Brátt verðum við hluti af heimsveldinu ESB og það varð auðvitað að gerast á fjórum fótum, nauðbeygð og niðurlægð.

Þeir sem nota óttann til að stýra atburðarrás, þeim verður aldrei hægt að treysta.