Og hvers vegna fer ekkert að breytast?

Nei, það er langt í að eitthvað fari að breytast, a.m.k. ef miðað er við afrekaskrá núverandi ríkisstjórnar.

Afrekaskrá ríkisstjórnar, sem hét því strax í upphafi minnihlutastjórnarinnar í febrúar, að hafizt yrði handa við að slá skjaldborg um heimilin og gera atvinnulífinu kleift að sinna sínu hlutverki.

Afrekaskrá ríkisstjórnar, sem nú hækkar álögur á fyrirtæki, dregur markvisst úr framkvæmdum og drepur þannig alla starfsemi í landinu í dróma.

Er raunverulega búizt við að eitthvað fari að breytast til batnaðar í náinni framtíð?

„Það er ekkert að fara að breytast"

Athugasemdir

[smg, 5.7.2009 kl. 23:27]

Vandamálið er ofvaxið og nánast útilokað að leysa það vel af hendi. Held að flestir geri sér grein fyrir að stjórnvöld síðustu tveggja áratuga bera ábyrgð á og öllu efnahagshruninu.

[Sigurjón Þórðarson, 5.7.2009 kl. 23:58]

Góð spurning Gunnar, en málið er að stjórnin hefur hingað til ekki gefið réttar upplýsingar um hversu alvarleg staða er og svo jú hún er ráðalítil og ákvarðanafælin.

Vextir eru enn í hæstu hæðum, gengi krónunnar í kjallaranum og litlar breytingar á þeim kerfum sem hafa komið þjóðinni nánast á hausinn s.s. fiskveiðistjórnunarkerfinu.

[Gunnar Gunnarsson, 6.7.2009 kl. 01:46]

Og það, sem skiptir sennilega hvað mestu máli, Sigurjón, er að bankakerfið er enn óvirkt. Jafnvel þó búið væri að endurreisa bankana, þá gengi lítið að lána til fjármögnunar reksturs fyrirtækja því þau hefðu einfaldlega ekki efni á að nýta lánsfé, sem þó mun vera til í umtalsverðu magni.

[Jón Rúnar Ipsen, 6.7.2009 kl. 07:47]

Hvað er til ráða leigja risaþotu og senda alla í burtu og hætta að berjast eða að skapa möguleika á að lifa hér á landi það verður ekki gert með því að skera niður allar framkvæmdir á vegum ríkis .