Reykjanes skelfur - ég skelf

Jarðeðlisfræði og jarðskjálftafræði hljóta að vera meðal ónákvæmustu vísinda.

„Við útilokum ekki að það komi fleiri skjálftar“, segir jarðeðlisfræðingur, sem leitað var til um álit á horfum í þessum síðustu umbrotum.

Ég játa það hreint út, að mér er verst við jarðskjálfta af öllum náttúrufyrirbærum, en einhvern veginn finnst mér lítið í það varið, og alls engin hughreysting, að leita til sérfræðinga sem bregðast allir og alltaf við á sama hátt: Við gerum ráð fyrir, við útilokum ekki, við teljum líklegt.

Það væri allt eins hægt að leita til mín um álit mitt á því, hvað ég teldi líklegt að næst gerðist. Ég mundi hins vegar svara því til að ég hreinlega hefði ekki hugmynd um hvað gerðist næst og hvenær. Af svörum sérfræðinganna er það að ráða að þeir viti ekki mikið meira en ég.

Reykjanes skelfur

Athugasemdir

[Sólveig Þóra Jónsdóttir, 19.6.2009 kl. 22:07]

Ég skelf líka. Svo sammála þér varðandi svör jarðeðlisfræðinganna okkar. Væri gott að heyra í Ragnari Skjálfta.

[Óskar Helgi Helgason (IP-tala skráð) 19.6.2009 kl. 22:20]

Heil og sæl; Gunnar og Sólveig Þóra - líka sem; önnur þau, hver Gunnars síðu geyma, og brúka !

Má til; að stappa í ykkur stáli, gott fólk. Við; hér, í Hveragerðis og Kotstrandar sóknum, ásamt Ölvesingum - Selfysskum og Eyrbekkingum, munum enn, gaura gang Jötun heima, vorið og sumarið 2008.

Hyggilegt er; að hafa allan vara á, framvindu þeirri, sem verða kynni, gott fólk, þó ég voni; einlæglega, að þetta gangi skjótt yfir, fyrir ykkar hönd - og nágranna ykkar allra.

Með beztu kveðjum; úr Árnesþingi /

Óskar Helgi Helgason, frá Gamla Hrauni og Hvítárvöllum