Að vera vitur eftirá

Það er heldur dapurlegt að heyra frá hollenzkum yfirvöldum að ekkert hafi verið hægt að gera til að hefta framgang Icesave þar í landi. Í sinni einföldustu mynd lítur málið þannig út, að hafi verið raunverulegur vilji til að taka á málinu, þá hefði það verið gert.

Yfirlýsing á borð við þá að hollenzki seðlabankinn hafi lítið sem „ekkert beitt sér til að stöðva vöxt Icesave-reikninganna þar sem eftirlit með þeim og Landsbankanum heyrði undir FME“ fær ekki staðizt.

Þetta er einfalt dæmi um að vera vitur eftirá.

Hefðu Hollendingar raunverulega talið að hag sínum væri ógnað, á einn eða annan veg, hefðu þeir ekki hikað við að grípa til aðgerða. Annað er fyrirsláttur af ódýrustu gerð.

Gátu ekki stöðvað Icesave

Athugasemdir

[Magnús Sigurðsson, 17.6.2009 kl. 15:12]

Græðgin kitlaði, þeir litu framhjá því að þeir voru að eiga við Nígeríusvindlara norðursins, vegna vonar um ótrúlega ávöxtun.  Nú ætla þeir íslenskri þjóð að bæta skaðann.