Rússnesk óhöpp

„Rússneski sjóherinn hefur lent í ýmsum óhöppum frá því Sovétríkin hrundu“.

Öllu má nafn gefa og ýmislegt kalla óhöpp, en fyrr má nú rota en dauðrota, kemur fyrst upp í hugann þegar heyrist af stórskotaliðsárás á lítið þorp í eigin landi!

Þeir, sem vit hafa á eru víst hættir að taka mark á Rússum sem raunverulegu flotaveldi, ólíkt því, sem áður var í tíð Sovétríkjanna gömlu.

Floti þeirra er að missa kjarnorkukafbáta, á borð við Kursk, sem sökk með manni og mús í Barentshafi fyrir átta árum. Ekki eru nema nokkrir mánuðir síðan 20 sjóliðar fórust vegna mistaka, sem urðu um borð í kafbáti í Kyrrahafinu.

Við hljótum að vona að þessir herramenn haldi sig sem lengst frá Íslandsströndum, allavega utan skotfæris við sjávarplássin!

 

Skutu á þorp í misgripum

Athugasemdir

[Finnur Bárðarson, 31.5.2009 kl. 21:58]

Snilldar færsla Gunnar :)

[Haraldur Aðalbjörn Haraldsson (IP-tala skráð) 1.6.2009 kl. 12:19]

ÉG man ekki betur en fyrir nokkrum árum þegar danski flotinn var við æfingar undan ströndum landsins þá hafi þeir fyrir slysni skotið sumarhús í tætlur sem var þar á ströndinni. Það eru víða mistökin í þessum bransa!

[Guðjón Emil Arngrímsson, 2.6.2009 kl. 01:57]

Jú jú, og meira að segja flaggskip danska flotans. Bandarískur kafbátur kom úr kafi upp undir japanskan fiskibát. Enskur togbátur fékk kafbát í trollið og var dreginn í kaf. Fallbyssuskitta á v.s. "Þór" skaut í fljótfærni lausu púðurskoti úr 47 mm fallbyssu á bátaþilfari, inn í flugskýli skipsins. Gott að það var ekki kúla í hlaupinu. En þeir sem voru inni í skýlinu skjögruðu út eins og drukknir væru. Svona er þetta nú bara.