Hver er í afneitun?

Það er heldur ódýrt að bera upp á þjóðina að hún sé í afneitun.

Þjóðin hefur beðið mánuðum saman, nánar tiltekið frá 1. febrúar, eftir því að ríkisstjórnin tæki af skarið og legði fram lista yfir aðgerðir, sem nauðsynlegar eru til að byrja að takast á við vandann. Meðal þeirra aðgerða, sem beðið hefur verið eftir eru ráðstafanir, sem grípa verður til svo koma megi heimilum og atvinnuvegunum til hjálpar. Hvernig gengur t.d. að koma bankakerfinu í gang, þannig að unnt verði að reka eðlilega atvinnustarfsemi í landinu? 

Meðan þjóðin bíður eftir einhverjum raunverulegum úrræðum frá aðgerðalausri ríkisstjórn er einsýnt hver er í afneitun. Það er ekki þjóðin.

Framsóknarmenn í afneitun

Athugasemdir

[Gísli Ingvarsson, 22.5.2009 kl. 14:13]

Þegar peningar eru ekki til í ríkiskassanum og gjaldmiðillinn bara til fyrir okkur og enga aðra og við verðum að taka alla alvöru peninga að láni og ef við viljum fá alvöru peninga eru þeir ógeðslega dýrir og skammtaðir. Bankarnir bara sýndarbankar án alþjóðlegrar viðurkenningar. Þjóðin treystir best Landsbankanum!!!! Við horfum framan í kreppu. Hún verður ekkert fallegri þó við hrópum á meiri peninga og fyrirgreiðslur úr ríkissjóði sem er galtómur. Þetta er raunveruleikinn og við verðum að vakna og taka á málunum útfrá þessum staðreyndum. Meira að segja fjármálaráðherrann getur ekki haldið feisinu lengur. Ég endurtek 50% þjóðarinnar treystir Landsbankanum. Þetta er náttúrulega djók.