Hystería og hamagangur

Yfir okkur gengur nú einhver mesta hystería, sem sézt hefur frá því snemma á árinu.

Hver er svo ástæða þessa hamagangs?

Jú, það hefur verið gripið til aðgerða á Morgunblaðinu til að forða því frá falli. Það er gripið til nákvæmlega sömu aðgerða og gert hefur verið hjá fjölda fyrirtækja, sem eiga við rekstrarvanda að stríða. Það er talið óhjákvæmilegt að segja upp starfsmönnum til að draga úr kostnaði við rekstur.

Þess utan er, greinilega, talið rétt að fá nýjan mann í brúna því sá, sem fyrir var, réð ekki við að stýra þann kúrs, sem þurfti til að koma fleyinu í hlé.

Hér er akkúrat ekkert að gerast, sem telja má annað en eðlileg viðbrögð stjórnenda blaðsins til að koma rekstri þess á réttan kjöl.

Blaðið var á leið í þrot. Flóknara er dæmið nú ekki. Var það raunverulega óskastaðan, sem þeir hávaðasömustu vildu sjá verða að veruleika? 

 

 

Uppsagnir hjá Árvakri

Athugasemdir

[María Sigrún (IP-tala skráð) 24.9.2009 kl. 22:37]

Var að hugsa hvort það sé mikill sparnaður í að ráða tvo ritstjóra í stað eins?  Sá sem var fyrir var með ágætis laun og ef við margföldum það með tveimur, ja það kemur ekkert sérstaklega vel út þegar öll fyrirtæki eru í aðhaldi.

Þessir menn Haraldur og Davíð eru kannski ekkert að taka laun?

kv

hagsýn húsmóðir