Í umsjón óstarfhæfrar stjórnar

Sú staðreynd að eignir Landsbankans dugi ekki fyrir Icesave-skuldbindingum er ekki frétt. Þetta hefur verið vitað síðan fljótlega eftir að samningar voru gerðir sem gerðu ráð fyrir að setja í pant eigur íslenzka ríkisins, íslenzku þjóðarinnar.

Það, sem er síðan að koma betur og betur í ljós er að ríkisstjórnin hefur enga burði til að ráða við þetta tröllaukna vandamál. 

Hún er klofin þvers og kruss. 

Ekki aðeins í Icesave-málinu, heldur, og miklu fremur, í öllu, sem við kemur ESB, viðræðum og hugsanlegri umsókn.

Á erfiðum tímum verður að vera hægt að treysta á samstíga og samhenta ríkisstjórn. Því er ekki að heilsa þessa dagana.

 

Eignir duga ekki fyrir Icesave

Athugasemdir

[Finnur Bárðarson, 22.6.2009 kl. 17:07]

Hjá mér beinist bræði mín fyrst og fremst að þeim stofnuðu til þessa hryllings. Landsbankans, eigenda og stjórnenda. Þeir eru vart nefndir á nafn í umræðunni.

[Gunnar Gunnarsson, 22.6.2009 kl. 17:36]

Að því kemur, Finnur. Ætli við eigum ekki nóg með hörmungina í ástandinu eins og það er.

[Finnur Bárðarson, 22.6.2009 kl. 18:06]

Rétt hjá þér Gunnar, maður fer að verða ansi frústreraður yfir þessu öllu saman

[Villi Asgeirsson, 22.6.2009 kl. 20:26]

Á meðan leikur BjöThor sér á einhverri snekkju við Cannes.