Er nokkur hissa?

Tæp 92% fólks hefur enn vinnu, sem gera má ráð fyrir að greidd séu fyrir laun.

Bankakerfið er ónýtt og yfir því hvílir nagandi vantraust, sem ætti ekki að koma neinum á óvart miðað við frammistöðu fyrri ára. 

Það eru þessir sömu bankar, sem láta sér detta í hug að bjóða almenningi neikvæð raunvaxtakjör meðan innistæðurnar eru geymdar á þægilegum vöxtum í Seðlabankanum.

Enn eru það þessir sömu bankar, sem sýna lántakendum dæmalausa óbilgirni með timburmannakenndu vaxtaokri.

Enginn er til hlutabréfamarkaðurinn og mætti, þess vegna, leggja af verðbréfamarkað í landinu. 

Fólk sér lítinn akk í að „fjárfesta í steypu“. Húsnæðismarkaðurinn er ekki til sem slíkur og hefur færzt niður á skiptimarkaðsstig.

Er það nema von að fólk kaupi sér dýra hluti þegar engir virðast valkostirnir? 

Biðlisti eftir Rolex-úrum og góð sala sögð í flatskjám

Athugasemdir

[Hörður Halldórsson, 12.6.2010 kl. 16:34]

Gjaldeyrisvandræði en ekki góðæri.A-evrópumenn keyptu bíla Rolex og Breitning úr til að selja ,vegna hrun krónunar.Þeir endurseldu þetta örugglega þegar heim var komið.Hagstæðara en að skipta ísl. krónum úti.