Brown: farið hefur fé betra

Þá er Gordon Brown horfinn yfir hina pólitísku móðu og við tekinn leiðtogi íhaldsmanna, David Cameron, nýr forsætisráðherra Breta. Fall Browns í kjölfar þingkosninganna í Bretlandi er orðið algjört; horfinn úr sæti æðsta stjórnanda pólitíkur og hrökklast úr forsæti Verkamannaflokksins.

Gordons Browns verður, a.m.k. hér á landi, minnzt um ókomna tíð sem fantsins, sem setti Ísland í skjóðu með helztu hryðjuverkasamtökum heims og lánaði ríkissjóði Bretlands fé til að greiða eigin skuldir og sendi Íslandi reikninginn fyrir herlegheitunum að viðbættum vöxtum, takk fyrir.

Það er ekki einfalt að sjá hvernig fer með þetta sjálflánaferli, sem Brown og hans menn settu af stað og markaðist af hroka og óbilgirni, en eitt ætti þó að vera víst; það getur ekki versnað. 

Cameron verður forsætisráðherra

Athugasemdir

[itg (IP-tala skráð) 11.5.2010 kl. 21:35]

Brown var bara að berjast við erfiðleika líðandi stundar þar sem allt var upp í lofti í fjármálakerfi heimsins.

Hann er hvorki verri né betri en aðrir.  Enginn ástæða fyrir okkur að lýta á hann sem fant.  Hann skuldaði okkur ekkert, var bara að verja hagsmuni breskra innistæðueigenda,.  Hvort þetta var rétta leiðin hjá honum kemur í ljós í fyllingu tímans.