Ættu að borga með sér

Svo vel hafa bankamenn reynzt í sínum vísindum undanfarin ár að sanngjarnt væri að þeir greiddu með sér til að fá að halda vinnunni. Ekki verður þeim hrósað fyrir afkomu fyrirtækja sinna, svo ekki sé meira sagt, þegar litið er yfir vígvöllinn í dag og litið til átaka liðinna ára.

Í fréttinni, sem lagt er útaf kemur fram að forstjóri Goldman Sachs hafi fengið í kaupauka hlutabréf að virði 9 milljóna dollara, en sá galli fylgi gjöf Njarðar að hann megi ekki selja bréfin næstu fimm ár. Okkur á að blæða fyrir hans hönd.

Vegna þessa reka bankamenn upp ramakvein og segja að þetta komi þeim verulega á óvart, enda hafi þeir búist við margfalt rausnarlegri verðlaunum fyrir rekstrarárangur sl. árs.

Þessir herramenn mættu hafa í huga að sá árangur, sem kann að hafa orðið á árinu 2009 er skilgetið afkvæmi hrunsins, sem varð á árinu þar á undan, vogunarstarfsemi og verzlun með eignir úr rústum fallinna banka og illa staddra sjóða.

Bankamenn ættu sem heild að skammast sín í stað þess að rífa kjaft og flækjast um í forundran.

 

 

Uppnám vegna lágra bónusa

Athugasemdir

[Sigurður Haraldsson, 7.2.2010 kl. 12:25]

Góður samála þér fáránlegt að þeir skuli láta hafa svona eftir sér og hvað með fréttamennina sem skrifuðu þessa frétt það vantar aðhaldið! Ekki nokkur einasti aðili ætti að hafa þess bónusa né ofurlaun hvað gerir það svo merkilegt að stjórna fjármálastofnun?