Feðgarnir fá sitt

Það hefur sennilega ekki nokkur maður efazt um að reynt yrði af fremsta megni að koma Högum aftur í hreiður þeirra feðga, Jóhannesar og Jóns Ásgeirs.

Að sjá bankastjóra Arionbanka lýsa því fjálglega yfir að framundan sé gagnsætt og opið söluferli var heldur dapurlegt því tekið var fram að Jóhannes og félagar koma til með að halda það stórum hlut í Högum að hann hlýtur að teljast ráðandi.

Slíkur ráðandi hlutur vekur upp spurningar um það hverjir gætu hugsað sér að ganga til sængur með fyrrverandi eigendum Baugs Group. 

Reynslan af rekstrinum þar á bæ er ekki beint hvetjandi fyrir þá, sem eiga kynnu einhverjar krónur aukreitis til að láta í kaup á hlutabréfum. Það gleymist líklega seint hvernig farið var með Baug sem einkafyrirtæki, þrátt fyrir meinta dreifða eignaraðild. Það voru ekki margir, sem fengu að leika sér í sandkassanum. Þeir, sem það fengu, sáu vel um sitt.

 

Óvissu um framtíð Haga eytt

Athugasemdir

[Guðmundur Ingi Kristinsson (IP-tala skráð) 4.2.2010 kl. 23:59]

Eftir að þessir sómamenn misstu fasteignafélagið sem blóðmjólkaði Haga hafa þeir engan áhuga á þessum reksti lengur,hvað þá aðrir fjárfestar á þeirra vegum.

Hagar; ef hagnaður var til staðar áttu að borga 18 prósent í skatt en fasteignafélagið 10 svo framalega að það væri ekki á fjárfestingarfylliri.

[Guðlaugur (IP-tala skráð) 5.2.2010 kl. 09:33]

Þessi gjörningur þarf ekki að vera alslæmur, en hann verður það ef JJ og JÁJ halda áfram þarna innan veggja. En þetta gefur Guðmundi Franklín og fylgis mönnum hans tækifæri til að eignast ráðandi hlut í fyrirtækinu hafi þeir það fjármagn sem þarf. Eins verðum við að krefjast skýringa á því ef JÁJ og JJ eiga að fá að kaupa hva 10% á einhverju óskilgreindu verði. Einnig hvar fá þeir peningana hvaðan koma þeir er til meira í þeirra skúma skotum og hvernig varð sá auður til, við erum jú að tala um mikið af peningum sem þarf til að kaupa þetta fákeppnis fyrirtæki og mikið af peningum sem virðast hafa gufað upp í höndum þessara aðila. Kannski að komin sé rigning af ,,peninga himnum". Það eru margir þeirrar skoðunar þetta verði ekki þessu fyritæki til framdráttar ef að nú verandi stjórnendur komi áfram að rekstri þess. En það er undir landsmönnum komið. Hvar erum við að versla í dag? Er ekki kominn tími til að við sýnum óánægju okkar í verki og verslum annarsstaðar þó að kosti okkur kannski KRÓNU meira. Eða fá okkur bíltúr í fjörðinn  og versla við fyrirtæki ársins Fjarðarkaup, sem er ein af ör fáum frjálum verslunum á höfuðborgarsvæðinu. Á endanum stjórnum við þessu sjálf. JJ og JÁJ hafa glatað öllum trúverðugleika fyrir löngu síðan. Það er undir okkur komið að sýna þeim það. Gs