Til hvers að ræða umsókn?

Vandamál Íslands eru mörg og flókin um þessar mundir.

Nægir að minna á Icesave-mál, vandamál heimilanna, enn án skjaldborgarinnar, sem lofað var fyrir ári síðan og vandamál fyrirtækja, sem ekki ráða við fjármögnun vegna tröllslegra vaxtakjara.

Til að sinna þeim af heilindum þarf öll stjórnsýslan að vera virk, en ekki að miklum hluta upptekin við draumóraverkefni Samfylkingarinnar, umsókn um aðild að Evrópusambandinu. Þessi umsókn er hvergi tekin alvarlega nema innan raða Samfylkingarinnar, ekki einu sinni innan ríkisstjórnarinnar, hvað þá meðal almennings í landinu. Þetta er umsókn, sem verður kolfelld í þjóðaratkvæðagreiðslu.

Það vita forystumenn Samfylkingarinnar, en engu að síður er hráskinnaleiknum haldið til streitu, rétt eins og um raunverulegt hagsmunamál þjóðarinnar væri að ræða. 

Væri ekki nær að snúa sér af alvöru að þeim málum, sem lofað var fyrir ári síðan að fengju forgang, heimilunum í landinu og atvinnurekstri. Tómstundaiðja kratanna er orðin slíkur dragbítur (auk þess að vera rándýr) á raunveruleg verkefni og vinnu stjórnvalda að hún er orðin ríkisstjórninni til stórskammar og er ekki miklu bætandi á fátæklega ferilskrá hennar.

Ræða aðild Íslands í febrúar

Athugasemdir

[Benedikt Jónasson, 4.2.2010 kl. 15:32]

Meirihluti Alþingis samþykkti að sækja um aðild að ESB ef forsætisráðherran fylgdi því ekki eftir væri hann að brjóta lög Alþingis.Minni á að tveim vikum eftir hrun var 60-70 % landsmanna samþykkur því að ganga í ESB þetta fólk býr enn í landinu þótt sumt af því hafi e.t.v skipt um skoðun tímabundið.

[Marteinn Unnar Heiðarsson, 4.2.2010 kl. 15:47]

Benedikt hvað borgar Jóhanna þér mikið fyrir þetta þú setur þessa færslu á hvern þann sem er ekki með ESB aðild og ekki gleyma því að það voru VG sem voru sigurvegarar síðustu kosninga vegna andstöðu við ESB og hafðu það.........

[Svavar Bjarnason, 4.2.2010 kl. 17:08]

Menn ættu að slappa aðeins af. Það verður kosið um aðild þegar að því kemur. Það borgar mér enginn fyrir þessi orð. Þeir sem eru með svoleiðis vangaveltur að einhver hljóti að vera að greiða fyrir skoðanir,  eru að lýsa einkar furðulegum hugsunarhætti.

[Óskar Arnórsson, 4.2.2010 kl. 18:15]

Benedikt hleypur um allt blogg með nákvæmlega sömu tugguna. Bara kópera og vista, nákvæmlega eins og húðlatir ESB sinnar sem vilja fá allt matreitt ofan í sig. Ömurlegt fólk þessi sort...

[Ingibjörg Guðrún Magnúsdóttir, 4.2.2010 kl. 22:38]

Akkúrat Gunnar Gunnarsson, snúa sér að því sem hún var ráðin til að gera, og Óskar alveg sammála þér.

[Helga Kristjánsdóttir, 5.2.2010 kl. 03:16]

   Jóhanna væri að brjóta lög,ef hún fylgdi ekki umsókn,um aðild eftir.            Jahá,tilkynnti hún ekki að hún færi til Brussel í einka erindum.       Var hún að látast?