Eilíf skömm kratanna

Það mun taka vinstri flokkana á Íslandi, einkum og sér í lagi Samfylkinguna, langan tíma að þvo af sér Evrópusambandsskömmina.

Utanríkisráðherra heldur áfram að beygja sig og bukta fyrir fulltrúum Brussel-veldisins, þrátt fyrir að krafa sé gerð um að gengið verði að Icesave-kröfum Hollendinga og Breta áður en farið verður að ræða ESB-aðild af alvöru.

Það er deginum ljósara að sósíaldemókrötunum finnst meira um vert að komast í klúbbinn í Brussel en að viðhalda því litla, sem eftir er af efnahagslegu sjálfstæði landsins.Það skiptir litlu þó sótt sé að íslenzkum almenningi á „ósvífinn hátt“, eins og kollegi Össurar segir á vefsíðu sinni í gær.

 

 

 

Ræðir við Bildt um ESB umsókn

Og Ögmundur talar af viti!

„Stöðugt koma fram nýjar upplýsingar sem tengjast Icesave-skuldbindingunum. Álitamálin hrannast upp. Líka hótanirnar. Ef við ekki göngum í einum grænum frá Icesave er okkur sagt að aðildarumsókn til Evrópusambandsins sé í uppnámi! Skyldi öllu fórnandi fyrir það?“

Þetta lætur ráðherra heilbrigðismála, Ögmundur Jónasson, frá sér fara á vefsíðu sinni.

Ýmislegt fleira kemur frá ráðherranum af viti, en kjarni málsins er sá, að það sé ekki öllu fórnandi fyrir aðild að Evrópusambandinu.

Hann lætur þess getið, að sótt sé að íslenzkum almenningi á „ósvífinn hátt“.

Ögmundur segir að „gefið [sé] í skyn að allt verði betra eftir því sem við lútum lægra. Þetta er mikil villuhugsun“.

Þetta er hreint ekki ólíkt því, sem ég hef tjáð mig á þessum vettvangi undanfarið.

Það er rétt, Ögmundur Jónasson, það er ekki öllu fórnandi.

Ögmundur: Hugsum um þjóðarhag

Hótað með neitun um ESB!

Það er líklega ekki orðum aukið að utanríkisráðherra Hollendinga hafi aðeins farið fram úr sér með því að hóta Alþingi Íslendinga öllu illu, greiðir þeir ekki „skuldir “ sínar.

Það er hárrétt, sem fram kemur í hollenzku dagblaði, að „væntanlega sé ekki meirihluti á Alþingi fyrir samkomulaginu“. Þingmenn hafa líklega, a.m.k. aðrir en meðlimir Samfylkingarinnar, fengið sig fullsadda af vitleysunni, sem matreidd hefur verið í þá af samninganefnd Svavars Gestssonar og Indriða H. Þorlákssonar.

Hvað Samfylkinguna varðar, má þó allt eins búast við því að þingmenn flokksins tvíeflist við þær fréttir að verði ekki borgað upp í topp, „geti liðið langur tími þar til Ísland fái inngöngu í Evrópusambandið“, eins og fram kemur hjá hollenzka utanríkisráðherranum.

Að ESB-aðild er stefnt og eins og fram hefur komið af hálfu ríkisstjórnarinnar, skiptir verðmiðinn greinilega engu máli.

Það mun heldur ekki skipta neinu máli að Alþingi hefur verið hótað af erlendri ríkisstjórn. 

Hvað segja menn nú um að þingmenn greiði atkvæði samkvæmt sannfæringu sinni? Sumir greiða væntanlega atkvæði með, aðrir sitja hjá.

 

Þrýst á Íslendinga

Auðvitað þarf að ljúka þessu

Það má líta á það sem gefinn hlut að ljúka verður Icesave-klúðrinu sem fyrst. Um það eru sennilega allir sammála.

Það, sem menn eru, hins vegar, ósammála um er hvernig á að ljúka því.

Það er lítill áhugi fyrir því að ganga að ofurkröfum Hollendinga og Breta, sem var gefið undir fótinn af farlama samninganefnd.

Það er lítill áhugi fyrir því að land og þjóð verði gerð endanlega gjaldþrota með því að ganga að óraunhæfum kröfum þessara tveggja „vinaþjóða“.

Það fer ekkert á milli mála að þessu verður a ljúka. Það er bara ekki sama, hvernig því er lokið.

 

 

Telja að ljúka verði Icesave

Við höfum ekki efni á þessu

„Þingleg meðferð er ekkert grín“, segir fjármálaráðherrann. Það er rétt hjá honum, því hérna er um dauðans alvöru að ræða.

Að mati flestra, sem ekki eru sérstaklega undir Samfylkinguna, og ESB-áráttu hennar, hallir, er vilji til að koma Icesave-málinu út úr heiminum, án þess að gera landið gjaldþrota. Þingmaður vinstri-grænna, Lilja Mósesdóttir, tekur undir þetta, en telur að við höfum hreint ekki efni á að ljúka þessu máli með þeim aðferðum, sem ríkisstjórnin vill beita.

Steingrímur J. Sigfússon gefur lítið fyrir slík rök og er sennilega kominn með Svavars-heilkennið, sem gengur út á að „nenna ekki að hafa þetta hangandi yfir sér lengur“.

 

Tjáir sig ekki um ummæli Lilju

Að sjálfsögðu á ekki að samþykkja

Það er gefið mál að Samfylkingin væri til þess reiðubúin að selja sálir sínar til að reka á eftir aðildarviðræðum við ESB. Sálir annarra Íslendinga fylgdu svo með í kaupbæti. Hlýða skal boðum frá Brussel, sama hvað það kostar.

Þetta er inntak áframhaldandi umræðna um Icesave.

Eftir að hafa heyrt og séð rökstuðning færustu manna um aðalvarlegir annmarkar séu á samningsómynd þeirra Svavars Gestssonar og Indriða H. Þorlákssonar, er samt haldið áfram að ræða þennan gjörning eins og um raunverulegan samning sé að ræða.

Hvers vegna er ekki hægt að fallast á rök þeirra, sem vitið hafa, viðurkenna að menn sömdu alvarlega af sér og fella svo óbermið?

Enn fundað um Icesave

Viljum við stuðning Letta?

Við hljótum að óska vinum okkar Lettum alls hins bezta í baráttu þeirra við að komast út úr þeim hremmingum, sem þeir eiga við að glíma og baráttu þeirra við Brussel-veldið. Þeir hafa fengið að komast að því að fátt er unnið við það að ganga í ESB-klúbbinn.

Hvað varðar stuðning Letta við umsókn Samfylkingarinnar um að komast í klúbbinn, þá er hann pent afþakkaður. Við erum búin að sjá nóg.

 

 

Lettar styðja Íslendinga

Tólf ástæður til að hafna Evrópusambandsaðild - Leið til óláns - 12/12

Heimssýn, Hreyfing sjálfstæðissinna í Evrópumálum hefur kynnt helztu ástæður fyrir höfnun aðildar að Evrópusambandinu.

Fyrir okkur, sem höfnum þessari leið til óláns, segja þessar greinar allt, sem segja þarf um hugveilu Samfylkingarinnar og villu þeirra annarra, sem telja að við eigum eitthvert erindi í ofurveldið.

Ég ætla að birta þessar tólf greinar. Hér er grein nr. tólf:

 

Þungt högg fyrir landbúnaðinn

Íslenzkur landbúnaður veitir okkur öryggi í fæðuframleiðslu af miklum gæðum, auk þess sem hann styrkir jöfnuð í viðskiptum við aðrar þjóðir og heldur uppi atvinnu og byggð á landinu.

ESB-aðild yrði þungt högg fyrir landbúnaðinn, sem sviptur yrði tollvernd. Samdráttur í búvöruframleiðslu myndi valda auknu atvinnuleysi í sveitum víðs vegar um land og á þéttbýlum svæðum, sem byggja afkomu sína á framleiðslu landbúnaðarafurða. 

Eftir hrun fjármálalífsins er nauðsynlegra en nokkru sinni fyrr að spara gjaldeyri og draga úr atvinnuleysi í stað þess að auka innflutning á kostnað innlendrar framleiðslu og hækka heildargreiðslur vegna atvinnuleysisbóta.

Endurfjármögnun - á borð við Madoff

Þá er komið að því að við, þegnar þessa lands, ekki ríkissjóður göngum í ábyrgð fyrir fjármálafurstana, sem gengu frá „gömlu“ bönkunum, með því að gefa út skuldabréf upp á að virði 1,5 ma. evra.

Á vef Financial Times er greint frá þessu á eftirfarandi hátt: „The deal would compensate creditors only for the assets transferred to the new banks, which represent just a fraction of the $60bn owed to foreign lenders. But it clears a crucial hurdle towards building a new bank system and starting the process of cleaning up bad assets in the failed banks“.

Bernie Madoff hafði tæpa 65 milljarða dala út úr sínum viðskiptavinum og þegar frá öllu er gengið, þ.m.t. endurfjármögnun Landsbankans, má búast við að Íslendingar verði á svipuðu róli og Herra Madoff.

Það er ekki leiðum að líkjast.

Er það nema von að umheimurinn sé fúll út í okkur. 

Endurfjármögnun bankanna kynnt á morgun

Tólf ástæður til að hafna Evrópusambandsaðild - Leið til óláns - 11/12

Heimssýn, Hreyfing sjálfstæðissinna í Evrópumálum hefur kynnt helztu ástæður fyrir höfnun aðildar að Evrópusambandinu.

Fyrir okkur, sem höfnum þessari leið til óláns, segja þessar greinar allt, sem segja þarf um hugveilu Samfylkingarinnar og villu þeirra annarra, sem telja að við eigum eitthvert erindi í ofurveldið.

Ég ætla að birta þessar tólf greinar. Hér er grein nr. ellefu:

 

Samningsrétturinn glatast

Um þriðjungur af verðmæti sjávaraflans fæst úr svokölluðum deilistofnum, sem flakka úr einni lögsögu í aðra.

Hingað til höfum við Íslendingar haft samningsrétt við önnur ríki, sem og ESB, um veiðar úr þessum stofnum. Við ESB-aðild myndum við framselja það vald til yfirstjórnar ESB.

Nýjar tegundir bætast við lífríkið í lögsögu Íslendinga með hækkandi hitastigi sjávar, nú síðast t.d. makríll. Ef við hefðum afhent ráðamönnum ESB samningsréttinn og hlýtt boðum þeirra og bönnum, væri nær ekkert veitt hér af þessum tegundum, t.d. kolmunna, sem skilað hefur tugmilljarða króna virði í þjóðarbúið á hverju ári.