En hvað með niðurskurð í heilbrigðiskerfinu?

Mennt er vissulega máttur, en á þessum síðustu og verstu tímum, sem nú ganga yfir fyrir tilstuðlan fjármálafurstanna okkar, er greinilegt að niðurskurðarhnífum er beitt þvers og kruss.

Væri það nú ekki dálítið andkanalegt ef stjórnvöld færu alfarið eftir hugmyndum stúdenta við Háskóla Íslands og myndu „forgangsraða þess fremur ríkisfjármunum í þágu menntunar á Íslandi“ eins og lagt er til í ályktun Stúdentaráðs HÍ og létu t.d. þann sparnað/niðurskurð, sem fyrirhugaður er í menntakerfinu koma niður á heilbrigðismálum?

Raddir sérhagsmuna verða alltaf dálítið hjáróma þegar þeim er beitt gegn „öllum nema mér.“

 

Stúdentaráð HÍ fordæmir fyrirhugaðan niðurskurð

Athugasemdir

[Finnur Bárðarson, 4.9.2009 kl. 21:30]

Nú er ég sammála þér Gunnar (reyndar oft áður líka en ekki alltaf)

[Gunnar Gunnarsson, 4.9.2009 kl. 22:14]

Takk fyrir það, Finnur. Ég reyni að vera sjálfum mér samkvæmur. Legg áherzlu á reyni!

[Eiríkur Guðmundsson, 5.9.2009 kl. 02:42]

Mennta- og heilbrigðiskerfið eru síðustu staðirnir þar sem á að skera niður. Þannig er það nú bara.