Þar kom að því - Engin skjaldborg?

Hér eru það opinberir aðilar, aðrir en bankar, að láta mest að sér kveða við að krefjast uppboða á íbúðarhúsnæði. Í þeim 28 tilvikum, sem um er að ræða, eru það Tollstjóri, Reykjavíkurborg og Íbúðalánasjóður, sem láta að sér kveða í 23. Bankarnir eru með afganginn, fimm.

Við erum, væntanlega, að sjá upphafið að skjaldborgarmunstrinu, sem slegið var um heimilin í landinu með tilurð vinstri stjórnarinnar fyrir 100 dögum síðan. 

Ef þetta er það, sem heimilin geta búizt við, hverju geta þá atvinnuvegirnir átt von á?

 

 

Sex eignir á framhaldsuppboð

Athugasemdir

[Páll Geir Bjarnason, 12.5.2009 kl. 18:34]

Hefurðu viðmiðun frá þenslutímanum? Góðærinu? Er þetta eitthvað meira en þá? Eignir fóru líka á uppboð árið 2007.

[Gunnar Gunnarsson, 12.5.2009 kl. 18:59]

Eignir hafa, því miður, lengi ratað á uppboð. Að baki slíks ferlis býr yfirleitt mannlegur harmleikur af einhverju tagi. Hins vegar man ég ekki eftir því að sérstaklega hafi verið lofað að komið yrði í veg fyrir slíkt, með „skjaldborg“, enda um að ræða sérstaka erfiðleikatíma, sem varla þarf að tíunda frekar.