Grunnhyggni eða grályndi

Það er flestum í minni þegar þáverandi fjármálaráðherra, núverandi hæstvirtur sjávarútvegsráðherra, Steingrímur J. Sigfússon lýsti því fjálglega yfir að vinur hans og uppalandi, Svavar Gestsson, væri á leið heim með samningsniðurstöður, sem leysa mundu Icesave-vandann á „glæsilegan“ máta. Niðurstöðurnar voru víst þannig til komnar að félagi Svavar „nennti ekki að hafa þetta hangandi yfir sér lengur“.

Síðan þetta gerðist, hefur álit mitt á fjármálaviti hæstvirts ráðherra verið nálægt núlli og ekki batnar það.

Hvernig getur maðurinn búizt við að vera tekinn alvarlega þegar hann heldur því fram að atvinnugrein, sem stórlega er vegið að með efnahagslegum stórskotaliðsárásum verði söm eftir og fari létt með að greiða laun sem fyrr?

Kemur ekki niður á launum

Athugasemdir

[Tómas Waagfjörð, 6.6.2012 kl. 11:15]

Segjum að til dæmis Grandi þyrfti að borga 5 milljarða auka í fiskveiðigjald, þá stæði samt eftir 1 milljarður í hreinan hagnað sem eigendurnir fá beint í vasann.

Hvernig í ósköpunum færðu það út að Grandi gæti þá illa borgað laun til starfsmanna, verandi með þúsund milljónir í hreinan hagnað?

[Helgi (IP-tala skráð) 6.6.2012 kl. 14:58]

Sæll.

Steingrímur segir mjög ósatt og það gerir hann í þetta skiptið eins og oft áður. Maðurinn skilur sennilega ekki afleiðingar frumvarps síns.

Engum dettur í hug að spyrja hvers vegna umbylta þurfi einu hagkvæmasta fiskveiðikerfi heims?

@TM:

Kynntu þér umsagnir hagsmunaaðila, það mælir enginn þessu bót - enginn!!