Án nokkurra skilyrða?

Með fullri virðingu fyrir Pólverjum og þeirri velvild, sem búa kann að baki láni þeirra, þá fæ ég ekki séð hversu mikilvægt er að „þetta sé í höfn“ eins og haft er eftir Steingrími J. Sigfússyni.

Sé rétt haft eftir þessum fjármálaráðherra okkar, þá veita Pólverjar lánið „án nokkurra skilyrða, öðru en því að endurskoðun Aljóðagjaldeyrissjóðsins gangi eðlilega fyrir sig“ og þar stendur hnífurinn í kúnni.

Alþjóðagjaldeyrissjóðurinn hefur, sem sé, tekið að sér að hafa forgöngu um að Icesave-klúðrið leysist eins og Bretum og Hollendingum hentar og þessar tvær „vinaþjóðir“ okkar hafa einsett sér að hafa áhrif á umsókn Íslands að Evrópusambandinu og taka þannig mið af niðurstöðu Icesave.

Eitthvað hefur greinilega farið fram hjá mér ef ég fæ ekki séð að pólska lánið sé „án nokkurra skilyrða.“ 

 

„Mikilvægt að þetta sé í höfn“

Athugasemdir

[Ólafur Ingi Hrólfsson, 5.10.2009 kl. 02:28]

þetta er bara klór hjá sjs

sýna að etthvað sé að gerast - meinið er að gömlu nýlendukúgararnir eru bara að rija upp gamla daga