Hver er meiningin með þessari handabakavinnu?

Aðstoðarmaður Utanríkisráðherra, Kristján Guy Burgess, túlkar Trichet-skýrsluna eins og honum sýnist: „[Nei, þetta (Icesave) fellur ekki á Tryggingasjóð innstæðueigenda; þeir, sem verða að borga brúsann eru Seðlabankinn og/eða ríkissjóður]“. Þetta er umorðun á túlkun aðstoðarmannsins, en andi og inntak eru þau sömu. Hér er um að ræða skýrslu þá, sem Davíð Oddsson vísar til í viðtali í Morgunblaðinu sl. sunnudag. Þetta viðtal afgreiddi Steingrímur J. Sigfússon með því að dæsa í sjónvarpsviðtali og setja upp mæðusvip yfir því að Davíð skuli ekki hættur í stjórnmálum.

Allt skal gert til að forðast að taka til hendinni og ergja þannig verðandi yfirvöld í Brussel, þó óneitanlega veki það furðu að fjármálaráðherrann skuli sýna með þessu endanlegan viðsnúning sinn. Hann var ekki neinn sérlegur aðdáandi Brusselvaldsins fyrir síðustu kosningar.

Utanríkisráðherra hefur setið á skýrslu frá 29. marz, þar sem fram kemur í áliti virtrar lögmannsstofu í Bretlandi að allsendis allt sé óvíst um ábyrgð íslenzka ríkisins á Icesave-klúðrinu.

Allt skal gert til að forðast að taka til hendinni og ergja þannig verðandi yfirvöld í Brussel, þó óneitanlega hljóti aðgangurinn að ESB að verða okkur kostnaðarsamur. 

Það virðist ekki skipta máli hvað Ísland þarf að borga; daður við Brussel skiptir meira máli. Það má greinilega ekki gera neitt, sem gæti styggt okkar verðandi ráðamenn og herra.

Innstæðutryggingar ná ekki yfir hrunið

Athugasemdir

[Ellert Júlíusson, 7.7.2009 kl. 12:38]

Það er nokkuð dagljóst að ef skrifað verður undir Icesave þá er eins gott fyrir þetta fólk að fara að líta yfir öxlina á sér. Ég er farinn að skynja svo mikla reiði, reiði sem í flestum tilvikum hefur ekki fengið neina útrás og mun einn daginn brjótast út. Ég er hræddur um að þá verði fjandinn laus, og þá muni stjórnmálamenn sjá eftir því að neyða lögregluna, sem hefur nú passað afturendann á þeim, út í 10% flatann niðurskurð....er ekki í lagi?

Gúttóslagurinn mun verða eins og aðfangadagur ef af verður.