Sóley Tómasdóttir - skák og mát

Því var haldið fram af þeim, sem vilja veg Vinstrigrænna sem fátæklegastan í borgarstjórn Reykjavíkur að með Sóleyju Tómasdóttur í efsta sæti lista flokksins þyrfti ekki að eyða miklu púðri til að slíkt gerðist.

Nú hefur sú spá reynzt sönn með því að frambjóðandinn hefur málað sig út í horn með því að útiloka samstarf við Sjálfstæðisflokkinn, þurfi Sjálfstæðisflokkurinn að leita á einhver mið að loknum kosningum.

Þegar Sóley velti Þorleifi Gunnlaugssyni úr fyrsta sæti í prófkjöri mátti telja nokkuð ljóst að erfitt yrði fyrir Vinstrigræna að eiga samstarf við nokkra nema sjálfa sig. Slíkt „samstarf“ yrði m.a.s. erfitt; jafnvel þyrnum stráð.

Það á eftir að sýna sig enn betur.

 

VG útilokar samstarf við Sjálfstæðisflokk

Athugasemdir

[Ybbar gogg (IP-tala skráð) 29.5.2010 kl. 00:36]

Hér er Sóley, um Sóleyju, frá Sóleyju til Eyjar Sóleyjar þar sem grænir kettir spranga um grundir.

[Smyrill (IP-tala skráð) 29.5.2010 kl. 01:42]

Mega borgarnir ekki krefjast þess að þeir flokkar og fulltrúar sem ná kosningu, vinni í þágu heildarinnar og finni sameiginlega þau úrræði, sem hentar heildinni best og láti allt endalaust þras og pex til hliðar; þótt í mörg horn sé að líta, ber þessum mönnum að koma sér saman um bestu lausnirnar og framkvæma  þær  í samræmi við fjárhagslega getu borgarinnar, en það erum við skattgreiðendur sem leggjum fram fjármagnið; skapa þarf atvinnu, forðast skuldasöfnun og starfa eftir efnum og ástæðum; ekkert rugl, ekkert bruðl, enga spillingu heldur framsýni og heiðarleika. Smyrill.